Ruhani: umum iştimaiyət bə iğtisodi multi lateralizim iyən reqiyonal həmkarion ehtiyocişon heste.

İroni prezident bə dınyoədə bıə kişvəron iğtisodi əloğəonədə bıhranon, fəğırəti ziyod bey, noəmnə vəziyət, miqranton bevəcə vəziyət iyən dınyo iğtisodi inkişofi kam bey təkidış karde.

Həsən Ruhani zinə İrəvanədə bıə Avrasiya iğtisodi i bemoni ali rutbə rəsmi şəxson iclosədə İron və Avrasiya təşkilati miyono muğaviləon reqiyonal və malti lateralizim iğtisodi əloğəon çərçivədə İroni ciddi və zumandə siyasi iradəon nımunə zınəş be.

Həsən Ruhani, Amerkə deşmənə uni lateralizimsiyasəton və rəftoron vədə zumandə muğavilə qıləy laziməku hisobış karde və votışe: Amerkə deştə be ğanunə hərəkəton vey kişvəron xusosi Çin, Rusiyə və ya xot ıştə mıttəfiğon hədəfış qəte.

İroni prezident təkidış karde: Amerkə deşmənə hərəkəton əcumlə dollariku bənə əbzar istifodə karde qıləy iğtisodi terrorizme ki adi şəhrvandon jimoni xərobəkəy.

İroni prezident, İroni iğtisodi zərfiyətonku istifodə karde xoto Avrasiya investoron bə İroni ozodə ticarət məntəğə ədə sərmoyə ne dəvət və təkidış karde: bənə Avrasiya, Asiya həmkari votımonon, Eko və Şanxay həmkari təşkilaton çərçivədə kalektiv həmkarion bənə qıləy reqiyonal əloğə əbzar hisob bıdə ki İron həm çəyku  himoyədorəti bəkarde.

Ruhani votışe: İronədə ğanunon jəqo hozzo bıə ki icloson sayədə Avrasiya investoron rohət İronədə ko bekon.