İroni strateqiya de umum iştimaiyəti çokə həmkarionin.

Tehroni cumə nımoji xətib dınyo umum iştimaiyəti İroni islamiyə nizomi strateqiyaon Amekə və sionist rejimi siyasət və rəftori əks zınəş be.

Huccətul İslam vəlmoslemin  Seyed Muhəmməd Həsən Əbotorabifərd Tehroni zinə ruji xotbəonədə bə Amerkə iyən sionist rejimi istikboriyə zıvon işorəş karde və votışe: ım istikbariyə rəftori vədə kişvəron bəpe deştə siyasi, elmi, mudafiə və iğtisodi ğudrəti ıştə mənafe oqəton.

Əbotorabifərd əlovəş karde: İronədə islamiyə nizomi bino beyku Amerkə daimən İroni vədə deşmənə hərəkəton iyən xəbisə siyasəton bənav bardedə.

Tehron cumə nımoji xətib bə ım nuktə işorəş karde ki İron pidəşe dınyoədə uni lateralizim sistem məhv bıbu iyən votışe: İron ım sahə ədə iyən məntəğə ədə xarıcion mıdoxilə və iştiroki bə oxo rosniye xoto bə məntəğə və beynəl xalğ 2 tərəfi həmkarion inkişof, kişvəron daxıli koonədə mıdoxilə nıkarde, de ğeyri deşmənə kişvəron həmkari iyən milli zərfiyətonku istifodəon  təkid kardedə.

Əv təsdiğış karde: mudafiə ğudrət, islamiyə muğavimət zumandə cəhbə iyən İroni milləti miyono vəhdət və i bemon bois bıə ki Amerkə bə İroni cuğrafiya təcavuz kardeku bə kəno bemando.