Enerji vıjur ijən tojə canqi tov varde bəzne?

G-7 tojə iclosədə Tramp notaş do ki əqər Hurmoz tanqə oj nıbu Amerkə natə ehtiyaton tosə 4 həftə sə bıdə iyən dınyo de enerji behroni dim bə dim bəbe

In məsələ barədə Ruyterz qıləy raportədə ifşoş karde:Martə manqədə Tramp əmrış doə ki çı Amerkə natə ehtiyatonku 172 milyon barel bə vıjur varid bıbu

Çı enerji beynəl-xalğ aqentiyəti uzvə kişfəron həm rizoyət doəşone ki vəşemoni boho bey vəyqəteyro 400 milyon barel ıştə stratejikə ehtiyaton ozod bıkon

Raporti dəvomədə ğeyd bıə ki çı Amerkə natə stratejikə ehtiyaton bənə 1983 minnə sori miğdori təcrubə kardə

Eksperton nəzəku İron sıvoy hərbi muğaviməti, de Hurmoz tanqəku bənə fişor əbzori istifodə kardey Amerka dıvləti bə probleminə vəziyəti eğandəşe

Əvon voteydən ki ım məsələ çı otəşvəsi qıləy muhimmə amil be iyən tojə bıhranon karde bəzne ijən enerji behroni icod bıkə.