Tehroni cumə nımoji xətib:Amerkə İraği problemon əsosə dəlile.

Tehroni cumə nımoji xətib bə iraği tojə şərayeti işarə kardeədə votışe:Amerkə devlət 16 sor çimiku bə nav ha ruj 1 milyon barelisə ve İraği nati canqi ğəroməti nomo dızdedə və İraği ixtisadiyə problemon dəlilonku qıleni amerkəy.

Tehroni cumə nımoji xətib bə iraği tojə şərayeti işarə kardeədə votışe:Amerkə devlət 16 sor çimiku bə nav ha ruj 1 milyon barelisə ve İraği nati canqi ğəroməti nomo dızdedə və İraği ixtisadiyə problemon dəlilonku qıleni amerkəy.

Ayətullah Muhəmməd Əli Movəhedi Kermani cumə nımoji xutbəonədə votışe:deşmen məntəğə məmləkətonədə qıləy fırsəti intizarədəy ta çəyku bəştə faydon əsosi bəhrə bıbə və əlavəş karde irağədə bıə Amerkə səfir oşkoə holətədə xışmqinətiku himoyə kardə və oşkoə holətədə ım rəftoron kontrol kardeyu İraği polios ğıvvon mən kardə.

Ayətullah Movəhedi Kermani əlavəş karde cəriyanoni  İrağədə ki ğərb əvonış perosniyə Kərbəlo və Bəsrədə veyə cinayətonışon kardə ki iraği millət bəpe ıştə səfi bəvonku co bıkən.

Tehroni cumə nımoji xətib ğanoniyə roonku bə İraği milləti ixtisadiyə problemon həl karde işarəş karde və votışe:İraği millət mərcəiyyət və ğanoni sayədə islahatı həl karde ro zındən və ıştə problemon həl karde ro həm zındən.

 Ayətullah Movəhhedi Kermani bə Livani hadison həm işarəş karde və votışe:Livani milləti aksiya əsosi rişə devləti bə cəmaəti qozərani etina nıkardeədəy.

Tehroni cumə nımoji xətibi votışe:Livani 1 minnə vəziri istifa nışonış do ki çı məmləkəti bəzi siyasiyə  cəriyanon sionist rejim,Amerkə və bəzi ərəbiyə rejimon məsləhəti ıştə milləti məsləhətiku bə nav zındən.