Laricani:Amerkə dıştə sıbıkə fikon məntəğə no əmn karde domoədəy.

İroni islamiyə şura məclisi rəisi votışe:Amerkə dıştə sıbıkə tədbiron,bəştə notəmizə hədəfon rəseyu,məntəğə noəmn karde domoədəy.

İroni islamiyə şura məclisi rəisi votışe:Amerkə dıştə sıbıkə tədbiron,bəştə notəmizə hədəfon rəseyu,məntəğə noəmn karde domoədəy.

İroni islamiyə şura məclisi rəis Əli Laricani ımruj Suriyə nati həxədə bə Amerkə prezdent Donald Trampı sıxanon işarəş karde və votışe:Tramp dərəstə ni ki Suriyə ərazi və nat çı məmləkəti devlət və millətiy və Amerkə həxış ni bə Suriyə ərazi təcavuz kardeədə və çəy  natə meydonon təsərruf kardeədə çəy dızdiye fikədə bıbo.

Amerkə prezdenti  Donald Tramp bı rujonədə votəşe:Amerkə hərbiyə ğıvvonku kamə miğdar Suriyə natış bıə məntəğonədə mandən ta natiku muhafizə bıkən.

Laricani əlavəş karde Amerkə prezdenti sıxanon çəy həğiğiyə sima iyən bə milləti zid ım rejimi niyyətonış oşko karde və bə insoni zid,dınyoədə çəy şəxsiyyətış bə dim bekarde.

İroni islamiyə məclisi rəisi votışe:məntəğə oğoə millət jəqo ki İŞİD  Amerkə əvış icod kardə be,nabodışon ka,bə Amerkə ım fitnəqərə hərəkəti həm qıləy zumandə cəvob bədon.

Laricani bə aban manqi 13 minnə ruji dəme ki de beynəlxalğə istikbar mubarizə barde milliyə ruje işarəş karde və votışe:ım ruj de zılm və istikbar mubarizə bardeyu islamiyə inğilabi şəxsiyyəti simvole  və məmləkəti istiğlalədə İroni milləti nığılə təfəkkuri nışon dodə.

Maştə hicri şəmsi 1398 nə sori Aban manqi 13 bərobər de miladi 2019 minnə sori noyabri 4 İron islam respublikaədə de istikbar mubarizə barde milli ruje.

40 sor çimi bə nav ironıjə tələbəon bə ironi islamiyə inğilabi zid Amerkə veyə fitnəqərə hərəkəton vədə ıştə etirazon nışon doeyu Tehronədə bıə Amerkə səforətxonə ya həmon cəsusiyə lonəşon bəştə dast qəte.