İroni Yolə Rəhbər: məntəğə milləton Amerkəku nifrət kardedən.

İroni Yolə Rəhbər işorəş karde ki Az və İroni millət iyən dıvlət, Amerkə bə İraği Həşduş-şəəbi həmlə muhkəm kardedəmon və votışe: məntəğə milləton de şiddəti Amerkəku nifrət kardedən.

İroni Yolə Rəhbər zinə çand həzo nəfər çı İroni bə noxşon koməkəkə kəson ya xot pərəstaron cəmədə məntəğədə bıə anti Amerkə nifrət xusosi İraği milləti reaksiyaon qıləy təbie məsələ və rəftor bə hisobış varde və əlovəş karde: Amerkə bə İraği Həşduş-şəəbi həmləon, İŞİDİ intiğami qəte mənoədə be boçi ki İraği Həşduş-şəəbi be ki əmələn DAEŞ terroristiyə qrupi məhvış karde.

Həzrəte Ayətullah Xamenei İraği hadisəon bəpeştə Amerkə prezidenti pesoxtə bıə sohbəton iyən çəy tərəfo anti İron bəyon bıə təhdidon barədə təkidış karde: Amerkə ğələt kardedə: boçi ki ım məsələ bə İron rəbt-dəxlış ni.

İroni Yolə Rəhbər votışe: həmmə kəson oğo bıbun ki İron canqi pidəş ni əmmo har kəs ki İroni milləti mənafe, izzət, əzəmət və inkişofi vədə təhdid rəftorış bıbu, rə bey saxt iyən qıvoninə zərbə bəjənemon.

Həzrəte Ayətullah Xamenei bə İrağ və Əfğanıstanədə Amerkə cinoyəton xuxosi Amerkə Belək Vater xəbisə hərbi və əmniyyəti qrupi tərəfo çandə İraği alimon ğətliam işorə və təsdiğış karde: bə məntəğə bəzi kişvəron Amerkə rəsmi şəxson be icozə səfər karde iyən ıştə hərbi bazaonədə məntəğə rəsmi şəxson vindemon dəvoniyə Amerkə co qılə təhğiramizə rəftorin.

İroni Yolə Rəhbər, İroni milləti qıləy şucae, bəsirətin və həmmə baxşonədə koon bənav barədə millət bə hisobış varde ki oxonə səbarzəti bə ım millət aid bəbe bərəse.