İroni Atom sazışi qırd məhdudiyyətonış ləğv karde

İslomiyə Respiblikə devlət zinə şanqo qıləy bəyonotədə atom sazeş ivədə təəhudon kam kardeyo 5nə ğədm iyən nəhai mərhələş həm elan karde.

İslomiyə Respiblikə devlət zinə şanqo qıləy bəyonotədə atom sazeşi vədə təəhhudon kam kardeyo 5nə ğədm iyən nəhayi mərhələş həm elan karde.

Bə İrna xəbəon əsos İron İslom Respublikə devlət ın bəyonotədə elanış karde İslom Respublikə həni əməliyotiyə baxşədə mincumlə urani qəncin karde zərfiyət, qəncin karde faiz, qəncin bə orani miğdor iyən təhğiğ və inkişofi planonədə de heç qılə məhdudiyət dimbədim bəni.

Bo çimi əsos İslom Respublikə atom sazışi ıştə təəhudon kam kardeyo 5nə ğədəmədə yəni santrifiyujon ədəd məhdudiyəton bə kəno bənoy.

İslom Respublikə devlət əlovəş ka çimi bə peştə İroni atom bərnoməon sırf bə texnoloqə ehtiyocon əsosi bə nav bəşe.

Ironi devlət ın bəyonotədə işarəş karde İslom Respublikə həmkorəti de Beynəl-Xəlğ atom enerji muəsisə bənə dəvardə rujon dəvom pəydo bəkay və əlovəş karde əqər sanqsiyaon bə kəno noə bıbon və İroni atom sazeş faydonku bəhrə bıbə İslom Respublikə bə atom sazeşi təəhhudon oqardeyo hozzı bəmandeş

2018 minə sori mayə manqi atom sazışiku Amerkə ğeyre ğanuniyə hərəkəti bəpeştə ki, çı sazeşiku xaric be Almaniyə, Bıritaniyə iyən Fıransa vədəşon do İroni ixtisodiyə faydon qarant karde ın sazışi hifz bəkay.

In məmləkəton harçənd sıxənədə iyən siyasətdə Amerkə vədə mandin əmo desbə ısət ın sazeşi hifz kardeyo əməliyə hərəkətonədə heç qılə muvffəğiyətışon bə dast vardə ni.

İslom Respublikə 2019 minə sori mayə manqi 8 nə ruji atom sazışiku Amerkə xaric bıeku 1 sor bəpeştə iyən Avropə doəbə məsləhəton bə karnome subut be bəpeştə elanış karde bə ın sazışi 26 və 36 nə baxşon əsosi ıştə təəhhudon bəzi baxşon kam bəkay.

İron çimiku bənav 4 qılə ğədəmədə atom sazeşi təəhhudon kam kardeyo hərəkətış kardə bı.

Bə Atom sazışi 26 və 36 nə baxşon əsos əqər navədə bə tərəf bəştə vədəon əməl nıkə İron həxış heste ıştə doəbə vədəon qıləy baxşi ya komilə surətədə ğət bıkə.