Zərif:Asiya ğərbədə Amerkə şərrə huzuri oxo bino bə.

İroni xarici koon vəziri işarəş karde Asiya ğərb məntəğədə Amerkə şərrə huzuri oxo bino bəy və votışe:İroni yolə hərbiyə şəxsiyyəti terror karde nəticədə di ya rəv aləmi şərğiku desbə ğər Amerkə yəğə bəqəte.

İroni xarici koon vəziri işarəş karde Asiya ğərb məntəğədə Amerkə şərrə huzuri oxo bino bəy və votışe:İroni yolə hərbiyə şəxsiyyəti terror karde nəticədə di ya rəv aləmi şərğiku desbə ğərbi Amerkə yəğə bəqəte.

İroni xarici koon vəzir Muhəmməd Cəvad Zərif ımruj Tehronədə məntəğəiyə votımonon icmaədə islamiyə inğilabi nığo doə Ğuds ğıvvə fərmondə qeneral Suleymani terror kardeədə bə Amerkə cinayət işarə kardeədə əlavəş karde Amerkə ojnən bə həmmə subutış karde ki bə beynəlxalğə ğanonon heç qılə ehtırom və təəhhodış ni.

Zərif əlavəş karde qeneral Suleymani terror ne fəğət bə İraği milliyə hakimiyyəti hucum və İroni səbarzə qenerali de vəhşi iyən tarsovə hərəkəti terror karde bə,bəlkə Asiya ğərb məntəğədə əmniyyəti təmin karde əsosə sutononku qıleni bə şəhodət rosne bə.

İroni xarici koon vəziri votışe:Amerkə be ədəb və qostaxə prezdent və çəysə be ədəb Amerkə xarici koon vəzir qeneral Suleymani terror kardeədə yolə qımorışon karde və votışe:Amerkə ıştə cəvobi qıləy çokə zəman və məkanədə ki veyə dardi his bəkan,bəvinden.

Zərif eyni holədə məntəğə hisob-kitobonədə səhvə nəzəronış məntəğə muhimmə problemonkuş zınə və əlavəş karde  ımruj Asiya ğərb məntəğədə de zu  dəb b;ə  təfəkkur zıne zıne ya nızne  nızne ıme ki quya Amerkaiyə silah və canq bə əmniyyət bois bəbe.

İroni xarici koon vəziri votışe:ə çion ki Asiya ğərb və Fars dıyo cuğrafiyadə bə əmniyyət və dəvominə sulh bois bə, məntəğəiyə vəhdəti inkişaf və de həmkoəti karde roy rabitə bərğəror kardeye.

Tehroni votımon icma ımruj sıb İroni xarici koon vəzorətxonə siyasi və beynəlxalğə təhğiğat mərkəzədə təşkil bə.