Ayətullah Şeyx Nemıri şəhadəti sorqardışədə, İroni İslamiyə Məclıci bəyaniyə.

İroni İslamiyə Məclıci nımoyəndəon ujnən çı Ərəbıstanıjə mıborizə ruhani, şəhid Ayətullah Şeyx Nemıri edami məhkumışon kardə və bə insoniyə həxon mıdufiyəkə təşkilaton tələbışon kardə ki 2-dimə siyasəton əvəzi bəştə ğanuni iyən əxloği vəzifəon əməl bıkən.

İroni İslamiyə Məclıci nımoyəndəon Yanvari 3-ədə, Ayətullah Şeyx Nemıri şəhadəti 1-nə sorqardışədə, elan kardən ki, qıləy vəziyətədə ki bə məntəğə və dınyo əmniyət iyən oromətəti zidd əsliyə təhdid və bohran həmonə terroristiyə quruponin, Ayətullah Şeyx Nemıri edam karde, çı ərəbıstoni nığılə beməsuliyəti iyən betədbirətion nışo doydə.

İroni İslamiyə Məclıci nımoyəndəon təkidışon kardə ki, Ərəbıston çand sor heste ki de bevəcə siyasəton,əcumlə məntəğədə bə terroriston himoyə karde, bə Yəməni milləti zidd hucum karde ijən co kişvəronədə bıə bə şahrvandon zidd çı diktatoriyə hukuməton repressivə hərəkəton peştədə mande, hejo bevəcə təsiron boyis be və əmələn məntəğədə bə təfrığə iyən coəti eğande məşğule.

İroni İslamiyə Məclıci nımoyəndəon ıştə bəyaniyədə təsdiğışon kardə ki, Ərəbıstoni devlət de ğəyri islami, ğəyri insoni və ğəyri huğuği hukmi vasitə çı islam dınyo qıləy ali rutbə ruhani, Ayətullah Şeyx Nemıri şəhidış kardə.

Çı Ali-Səud ali məhkəmə, Ponə sori Oktiyabri 15 ədə, de be əsosə ittihamoni bənə mıhoribə iyən bə milli əmniyəti zidd fəaliyət karde, çın kişvəri yolə ruhani, Ayətullah Şeyx Nemıri bə edam məhkumış kardə.

Im hukm ki dəvardə sori yanvari 2-nə rujədə ijən vey vəhşiyanə surətədə, de şımşi vasitə əncom be, bənə devlətiyə terrorizm, çandə məntəğə cəmaəton ijən beynəlxalğ mıstəğillə təşkilaton reaksiya boys be.