İroni iğtidoriku himoyədorəti karde xoto İroni milləti yolə aksiya.

Amerkə vədə İroni islamiyə inğilobi zumandəti və iğtidoriku himoyədorəti karde xoto İroni millət zinə ruj cumə nımoji bəpeştə kişvərədə yolə etıraz aksiyaonədə iştirokışon karde.

Çand milyon nəfər çı İroni millət ım aksiyaonədə Amerkə dıvləti cinoyəton iyən İroni daxıl koonədə İnqiltəra mıdoxiləon məhkumışon karde və ijən İroni nizom və sepah təşkilatiku himoyədorəti kardışone; ım aksiya oxoyədə qıləy bəyaniyə həm sadir be.

İroni millət bəyaniyədə təkidışon karde: İron ısət bə həmonə mərhələş rəse ki de sultə mubarizə barədə iyən həmzəman muxtəlif siyasi meydononədə zumandə muğavimət ki iğtisod, mediya və hərbi sahəonədə dəvom kardedə, vey şiddətinə zərbəş bə deşmən varidış karde iyən Amerkə, İnqiltəra, sionist rejim və çəvon mıttəfiğonış məğlob karde.

Im bəyaniyədə İnqiltəra qomi mısodirə, Amerkə bepilotə təyyarə məhv iyən Amerkə hərbi baza bombardımon karde de istikbor mubarizə meydonədə İroni fəxrinə karnamə və koon hisob bıə.

İroni millət ijən ım ğətnomədə İroni hərbi ğıvvon fidokorəti bə təğdiri loyiğku bə hisob vardışone və Amerkə xəbisə plani vədə muğavimət cəhbəku himoyəon qıləy insoni və dino vəzifə elanışon karde.