Musəvi: Ğərni muğavilə, əsri xiyonəte.

İroni xarıci vəzarətxonə sıxənəvot Amerkə tərəfo icbor bıə plani, Fələstin milləti həxədə ğərni xiyonət vəsfış karde və votışe: ım plan məğlub bənine.

Bə Mehr aqentiyəti raporti əsos Seyed Əbbas Musəvi Fələstin milləti çı Fələstin sərzəmini əsli sohib bə hisobış varde və votışe: sionist rejim qıləy işğalçi rejime və ım sərzəmini bıhrani hələkə yeqanəroy Fələstin rişədorə milləti miyono refrandomi dəvoniyə zınəş bə.

Musəvi təkidış karde ki İroni nəzəku Fələstin və Ğuds çı dınyo mısılmonon i minə ğəbləy və votışe: əmmo təəsuf ki islami kişvəron de ım hədəfi çı yod və be karde vasitə mısılmonon be abro kardedən və deşməni bənə dost zınəy sayədə sionist rejimi 70 sornə anti bəşəriyət cinoyəti de ğəsd-hədəfi bə yod vardedə nin.

Seyed Əbbas Musəvi votışe: Fələstin məsələ xoto İron rə karde bəzne sionist rejimi ım xəbisə plani vəy qəteyro ixtilafon bə kəno noe vasitə de har islamiyə kişvəri muzakirəş bıbu ta islamiyə umməti mənafe oqətəmon.

İroni xarıci vəzir Ağaye Zərif həm zinə Twitter mesajədə Donald Trampi pesoxtə bıə ğərni muğavilə plani qıləy botil və hanədə bıə muğavilə bə hisobış varde və votışe: şayəd ım pesoxtə bıə plan bənə qıləy zanq bə han şə mısılmonə kişvəron oğo bıkə ta İŞİD səhvə siyasət iyən Amerkə prezident zinə şəv, i tərəfi və bə ım ki bə Fələstin milləti rəsmi və tarixi həxi diğğətış bıbu ğərni muğavilə nomo bıə xətoə roon isloh kon pesoxtə plani icra beyku xəbəş do.

Im muğavilədə ğeyd bıə ki Fələstin avarəon bəştə sərzəmin oqarde həxışon ni.