İslamiyə məmləkəton de əsri muğavilə nomo bə planədə mubarizə barde

İroni islamiyə şura məclisi rəis “əsri muğavilə” nomo bıə pesoxtə bə plani vədə mande iyən de sədo doe və parlamentiyə diplamatikə roonku bəhrə barde Fələstinı bıhroni həl kardeş tələb karde.

İroni islamiyə şura məclisi rəis “əsri muğavilə” nomo bıə pesoxtə bə plani vədə mande iyən de sədo doe və parlamentiyə diplamatikə roonku bəhrə barde Fələstinı bıhroni həl kardeş tələb karde.

İroni islamiyə şura məclisi rəis Əli Laricani zinə bə islamiyə məmləkəton parlamenton rəison məktob vığandeədə əsri muğavilə nomo pesoxtə bə plani bə dim bekardeyu Amerkə prezdenti hərəkətiku ıştə norohətiş elan karde və təciliyə sorətədə islamiyə məmləkəton ım plani vədə mande iyən Fələstinı bıhroni həl kardeku işarəş karde.

Laricani elanış karde əsri muğavilə nomo bə plani bə dim bekarde Fələstinı məsələ həl kardeyu həmmə təvafoğon,iyən beynəlxalğə ğanonon və sazışon və İ bə milləton təşkilati ğanonon,ərəb itifaği və islamiyə həmkarəti təşkilati  ğanonon bə lınqi ji nodə və votışe:İron İslam Respublika,İ bə milləton təşkilati tərəfo,işğal bə sərzəminon həmmə əslımandə sakinon iştirak kardeədə de ədolətinə ro Fələstinı ısətnə bıhroni həl karde yu Fələstinı məzlum və be mudafiyə milləti  həx zındəy.

İroni İslamiyə şura məclisi rəis islamiyə məmləkəton mıclison rəisonku tələbış karde ta əsri muğavilə nomo bə pesoxtə bə planədə mubarizə bardeyu lozim bə həmkarətionışon bıbo və sədo doe plani bərpo kardeku himoyə kardeədə iyən parlamenti diplamatikə zərfiyətonku istifadə kardeədə nakonəsə ve bə Fələstinı bıhroni həlli komək bıkən.

Amerkə prezdent Donald Tramp 3 şanbə ruji de sionist rejimi 1 minnə vəzir Benyamin Netaniyaho bə ico sıpiyə kədə hozzı bedən və de əsri muğavilə nomo ıştə sazış plani bə dim bekardən.

Bə ım plani əsosi Ğuds və İ ordan ru ğərbiyə baxşədə bə mikrorəyonon komilə sorətədə bə sionist rejimi əlavə bəbe və bə Fələstinıjə avərəon oqarde həxi həm əhəmmiyyət doə bə ni.

Həmmə Fələstinıjə qrupon və cəriyanon oşkoə sorətədə de ım plani ıştə muxalifətışon elan kardə.