İnğilabi yolə rəhbər:"əsri muğavilə" Trampı mardeku bə nav bəmarde.

İslami inğilabi yolə rəhbəri votışe: “əsri muğavilə” nomo Amerkə plan,Trampı mardeku bə nav bəmarde və əlavəş karde de ım plan mubarizə barde ro,Fələstinı millət və Fələstinıjə qrupon muğavimət iyən nıtarsə cihad və islam dınyo himoyəy.

İslami inğilabi yolə rəhbəri votışe: “əsri muğavilə” nomo Amerkə plan,Trampı mardeku bə nav bəmarde və əlavəş karde de ım plan mubarizə barde ro,Fələstinı millət və Fələstinıjə qrupon muğavimət iyən nıtarsə cihad və islam dınyo himoyəy.

İslami inğilabi yolə rəhbəri Həzrət ayətullah Xamenei zinə sıb İroni milləti mıxtəlif qruponədə bıə şəhrvandon vindımonədə Amerkəvıjə zu əvoton və ğoldoron tərəfo əsri muğavilə nomo bıə plani bə dim bekardeku işarəş karde və votışe:Amerkəvıjon ıştə dılışon xoş kardə ki quya qıləy yolə nomi vıjneədə bə Fələstinı milləti zid çəvon plan muvəfəğ bəbe,qıləy holədə ki çəvon ım ko axməx iyən xəbisə koye və macəra təşkil beku bə çəvon ziyan bois bə.

İslami inğilabi yolə rəhbəri əsri muğavilə nomo bə planış Amerkəvıjon dəğələ koonku qıləy oşkoə nışonəş zınə və əlavəş karde Amerkəvıjon de sioniston qıləy məsələdə bə arə dəşən ki bəvon aid ni.

Həzrət Ayətullah Xamenei əlavəş karde  çan qılə xainə ərəbi yolon şoəti iyən dastə çəkə je ki ıştən milləton miyonədə heç qılə erj və abroşon ni ,heç qılə əhəmmiyyətış ni.və istikbarı sobotə siyasətonku kəno ki pidəşone Fələstinı məsələ yoddə bekardə bıbo, çəvon ım ko bə Fələstinı məsələ bəji be bois be və dınyo həmmə vıronədə Fələstinı nom və məzlumiyyət və fələstinıjə qrupon bə zıvonon sə eqınin.

Yolə rəhbəri ım plani de silah və pul bə nav bardeyu bə mıstəkbiron fəaliyyəti işarəş karde və votışe:bovəmon heste Fələstiniyə silahinə təşkilaton bəmanden və  muğaviməti dəvom bədon və islamiyə Respublika nizom həm Fələstinıjə qruponku himoyə karde ıştə vəzifə zındəy.boçimi əsosi har curə və ha əndozə ki karde bızno bəvonku himoyə kardedə və ım himoyə islamiyə nizom və İroni milləti tələbe.

İslami inğilabi yolə rəhbəri Fələstinı məsələ əsosə əlocış İron İslam Respublika tərəfo beynəlxalğə mərkəzonədə elan iyən ğeyd bə həğiğiyə ro yəni əslımandə Fələstinıjon sədo doeş zınə və votışe:sulh və Fələstinı məsələ həl karde yeqanə ro əslımandə Fələstinıjon de har qılə məzhəb mincumlə mıslmon,xristiyən və yəhodion tərəfo  referendom bərpo kardeye ta de umumiyə sədo Fələstinı sərzəminı sərasərdə çəvon nəzədə bıə nizom hakim bıbo. Və Fələstinı həxədə iyən Netaniyaho və cokəson həxədə həm ıştə nəzə iyən ğəroli elan bıkə.

Həzrət Ayətullah Xamenei oxoyədə işarəş karde inşalla ım hədəf  bə nəticə bərəse və şımə ə ruji  cıvonon bəinden və de Xıdo koməkəti Beytul mığəddəsdə nımoj bəvoten.