Zərif: Şəhid Suleymani məntəğədə İroni mıvğiyət qəte simvol be.

İroni xarıci vəzir votışe: İroni Sepahe-Ğuds fərmondə terror bə muğavimət cəhbə iradəon əlovəş karde.

Muhəmməd Cəvad Zərif tojədən bə Livani Ələhd aqentiyəti votışe: qeneral Suleymani şəhadət bo məntəğə və həmmə sulhtələbə cəmaətiro qıləy qıvoninə zərbə be.

İroni xarıci vəzir təkidış karde: qeneral Suleymani şəhadəti bəpeştə təhəvolaton xusosi İrağ və Suriyədə hadisəon ısət məntəğədə Amerkə cinoyəton vey oşko bey bois bıə.

Zərif əsri muğavilə plani barədə həm votışe: Netanyahu və Trampi hədəf ım pesoxtə bıə muğavilə elan karde barədə əmə ki ome səçınədə səbarzəti kəsb kon və ijən hakim bemandon.

Muhəmməd Cəvad Zərif təkidış karde: əsri muğavilə qıləy ğeyri ğanuni palne ki bənə ticari muğavilə fəğət siyoniston hakımiyəti təsdiğ kardedə.

Zərif votışe: Fələstini məsələ barədə Amerkə həmişə sionist rejimi himoyədor be və çəy be tərəfə siyasətonku hiç xəbə ni.

Əv təkidış karde ki ısət Fələstinıjon oğo bıən ki ıştə sərzəmini barədə bə Amerkə vositəçi bey məsələ xatircəm nıbun bəlkəm Amerkə radikal nəzəron barədə muğavimət kon.