De koronavirusi mubarizə barde meydonədə reqiyonal və beynəl xalğ həmkarion zəruriyat.

İroni xarıci vəzir de koronavirusi mubarizə barde meydonədə reqiyonal və beynəl xalğ həmkarion tələbış karde.

Bə İrna raporti əsos Muhəmməd Cəvad Zərif ıştə tojə Twitter mesajədə bə İron və dınyo səhiyyə beynəl xalğ təşkilati miyono bıə mısbətə həmkarion təkidış karde.

Zərif votışe: İron çı musafiron kontrol karde baxşədə bə de korona virusi mubarizə dəvom dodə.

İroni xarıci vəzir təkidış karde ki əmə yande kənoədə ba həm səbarz bıdəmone.

Diplomatik həmkarion sahədə həm Zərif zinə koronavirusi barədə de Kuveyti xarıci vəzir muzakirəş karde.

Zinə İroni sepah təşkilati fərmondə qeneral Səlami həm təkidış karde ki ımruj kişvər bə binolocik bıhran deço bıə əmmo İron ım meydonədə həm səbarz bəbe.

Əmmo bə İroni səhiyyə vəzarətxonə oxonə raporti əsos detosə bə ısət 700 nəfəriku vey İroni bə koronavirusi mıbtəlo bıə şəhrvandon demon bıdən.

İronədə koronavirusiku mardə kəson miğdor de təəssufi bə 107 nəfər rəseydə.

Tojədən İroni milli əmniyyət aliyə şura sərkatib Əli Şəmxani İronədə koronavirusi rəvoc peydo karde barədə və votışe: de təəssufi İroni pesixi səlomət həm çı ğərbi, ərəbi, əbəri xəbisə mediyaon həmləon jentonədəy.