İronədə 913 nəfər bə koronavirusi mıbtəlo bıə kəson çok bin.

İroni səhiyyə vəzarətxonə elanış karde ki detosə bə ısət İronədə bə koronavirusi mıbtəlo bıə kəsonku 913 çok bin və ısət ıştə ailə kənoədən.

Bə oxonə raporti əsos İronədə bə koronavirusi mıbtəlo bıə kəson miğdor 4747 nəfər be çəvonku 124 nəfər mardedən.

Isət İronədə bə 16 həzo nəfər nezi həm de korona virusi qəte ehtımol noxəşxonəonədən ki çəvon barədə təhğiğ dəvom kardedə.

De koronavirusi mubarizə barde barədə diplomatik səy-cəhdon həm dəvom kardedə.

İroni xarıci vəzir zinə şəv de Fransə xarıci vəziri telefoni sohbətış karde.

Muhəmməd Cəvad Zərif ijən Twitteri vasitə həmmə kişvəron və sərnışin təyyarə şerkətonış dəvət karde ki ijən bə İron pərə bərnaməon bino kon ta İronıjon bəştə kişvər oqarde şərayet hozzo bıbu.

Çini Şərğədə İronıjon ticarət Palata rəis Husein Nejad Səfəri həm pidəşe ki İron və Çini miyono təyyarəon pərə bərnamə ijən təşkil və bino bıbu.

İroni prezident aparati rəis Məhmud Vaezi həm ısətnə şərayeti jentonədə ticarət və iğtisodi həmkarion ijən dəvom peydo karde xoto de Azərbaycan Respublika i minə vəziri muavin və Tırkiyə ticarət vəziri telefoni sohbətış karde.