De Həzrət Zeynəb(s) vəfoti sorəqardışi mınosibəti səbəsəloməti

İslamiyə İron Həzrət Zeynəb(s) vəfot karde sorəqardışədə ğəmqin və matəmədəy.

Imruj 3 şanbə hicri ğəməri 1441 minnə sori rəcəbə manqi 15 bərobər de 2020 nə sori martə manqi 10,islami əzizə peyğəmbəri nəvə və Həzrət Fatimə(s) və dınyo şiəyon 1 minnə imom Həzrət Əli(ə) avlod  həzrət Zeynəb(s) vəfot karde sorəqardışe.

Həzrət Zeybən(s) ıştə əzizə bıvə dınyo şiəyon 3 minnə imom Həzrət İmom Huseyn(ə) kənoədə de  xətoə cəriyanon ki islamiku mudafiyə karde nomo kərbəloədə yolə faciəşon icod karde mubarizə bardə be.

Həzrət ıştə əzizə bıvə İmom Huseyn(ə) və çəy vəfodorə əshabi bə şəhodət rəse bəpeştə de əhlebeyte ismət və təharət(ə) ailə bə əsorət bardə bin əmmo həminə əsorətdə de hərarətin və məntiğiyə xutbəon,bənioməyyə be foydə və fəsotinə mahiyyətış oşko karde.