İronədə 3 həzo nəfəriku vey koronavirusi mıbtəlo bıə noxəşon çok bıdən.

İroni səhiyyə vəzarətxonə elanış karde ki detosə bə ısət 3276 nəfər İronədə bə koronavirusi mıbtəlo bıə kəson çok bin.

Bə həminə raporti əsos ısət İronədə 10 həzo nəfəriku vey koronavirus qəteşone ki de təəssufi çəvonku 429 nəfər mardən.

Əmmo bə oxonə raporton əsos de koronavirusi mubarizə barde meydonədə Çini Şanxay ostaniku 4 minə təyeb və səhiyyə koməkon bə İron varid bıdə.

Yaponiya həm bə İron dəvo-damon iyən səhiyyə təchizaton vığandedə.

İronədə koronavirusi rəvoci vey qətero ijən ımruj həm cumə nımoj bərpo bə ni.

Əmmo de Pakistan İroni ticarət və iğtisadi əloğəon sərhəddonədə dəvom kardedə və koronavirus ım baxşədə məhdudiyəton bois nıbe.