De koronavirusi mubarizə barde barədə İroni Yolə Rəhbəri tojə əmr.

İroni Yolə Rəhbər zinə şəv de koronavirusi mubarizə barde meydonədə İroni silohinə ğıvvon fəaliyəton bə təğdiri loyiğ zınəş be və bə İroni həmmə silahinə ğıvvon mərkəzi ğərorqo fərmondə qeneral mayor Muhəmməd Bağıri əmrış do koronavirusi rəvoci vəy qəte xoto qıləy damon və səhiyyə ğərorqo təşkil bıdə.

İroni Yolə Rəhbər təkidış karde: de diğğət bə ım muhimmə məsələ ki bə fakton əsos koronavirus şayəd qıləy biyoloji həmlə bıbu bəpe biyolojik mudafiə çərçivədə bə ım təhdidi bənə manevri diye kəmon ta bə milli iğtidor əlovə kəmon.

İroni Yolə Rəhbər bə həminə ğərorqoədə silohinə ğıvvon vəzifə iyən məmuriyəton təğsim karde işorə və votışe: ım ğərorqo bəpe de dıvlət iyən səhiyyə vəzarətxonə həmohənq əməl ko.

İroni Yolə Rəhbər təkidış karde ki de ilahi hidayət iyən İmom Zəman(ə) inoyəti İroni millət səbarz və səlomət əmniyyətədə bıbun.