İronədə 3500 nəfəriku vey bə koronavirusi mıbtəlo bıə noxəşon çok bin.

İroni səhiyyə vəzarətxonə elanış karde: detosə bə ısət 3529 nəfər İronədə bə koronavirusi mıbtəlo bıə kəson çok bıdən və noxəşxonəonku ozod bin.

Bə həminə raporti əsos İronədə koronavirus 11 həzo nəfəriku vey cəmaəti noxəşış karde ki de təəssufi çəvonku 515 nəfər mardedən.

Əmmo de koronavirusi mubarizə barədə meydonədə Çİn və Serbiya çı İroni fəaliyəton bə təğdiri loyiğ bə hisob vardəşone iyən ijən bə de İron əloğə və həmkarion təkid kardışone.

İroni xarıci vəzarətxonə həm rəsmən Çini dıvlət və milləti koməkonku ğədrdontiş karde.

Xəbə ome de koronavirusi mubarizə barde meydonədə Ğətəri koməkon i minə baxş bə İron varid be.

Əmmo İ Bıə Milləton təşkilatədə İroni daimə nımoyəndə Məcid Təxte Rəvançi tojədən Amerkə anti İron sanqsiyaon de koronavirusi komilə mubarizəon vədə bə hisobış varde iyən təkidış ka: beynəl xalğ bıhran bəpe de beynəl xalğ bıhran bəpe de beynəl xalğ həğiğəti səy-cəhdon həl bıbu.