İronədə 4000 nəfəriku vey koronavirusi mıbtəlo bıə noxəşon çok bin.

İroni səhiyyə vəzarətxonə elanış karde: detosə bə ısət 4339 nəfər İronədə bə koronavirusi mıbtəlo bıə kəson çok bin.

Bə həminə raporti əsos ısət İronədə 12 həzo nəfəriku vey koronavirusi qəteşone ki çəvonku 611 nəfər mardedən.

İronədə de koronavirusi mubarizə barde xoto İroni dıvlət, millət və hərbiçiyon miyono həmkarion de zumandəti dəvom kardedə.

Xəbə ome ki Çiniku ijən 2 qılə mıtəxəssesin bə İron varid bıdən ta ım kişvərədə de korona virusi mubarizə barde xoto ıştə təcrubəon İroni səhiyyə sistemədə ğəror bıdən.

Feverali 29ədə həm 5 qılə doktor Çiniku bə İron varid bıə bin.

Tojədən İroni xarıci vəzarətxonə sıxənəvot Seyed Əbbas Musəvi bə İron komək kardə kişvəron məhəbəti bə təğdiri loyiğ bə hisobış varde və votışe: de koronavirusi mubarizə barde zəmonədə İroni millət və dıvlət dustə kişvəron koməkon yodədə əv bəqəte.