De Həzrəte İmom Musə Kazım(ə) şəhodəti sorəqardışi mınosibəti səbəsəloməti.

Imruj hicri ğəməri 1441-nə sori Rəcəbə manqi 25 bərobər de miladi 2020-nə sori martə manqi 20, dınyo şiəyon 7-nə İmom, Həzrəte İmom Musə Kazım(ə)-i şəhodəti sorəqardışe.

İmom Musə Kazım(ə) ıştə əzizə dədə Həzrət İmom Cəfəre Sadığ(ə) elmi yolə məktəbədə ki ve yolə alimon əyo tərbiyə bıdə bin yol be iyən ıştə əzizə dədə fəzilətonku istifodə karde vasitə əxlaği ali xusiyətonku əcumlə pərhizkarəti, muğavimət, nıtarsəti, iyən ədolət tələbəti yolə olqo be.

İmom Musa Kazım(ə) təğribən 35 sor mıslmonon imomətış bə uhdəş qəte ki xəyli çı soronku həbs ya xot dər bə dər be.

Im şərayet nışo dodə ki Həzrəti dovranədə Əhle Beyt(ə)-i vədə Əbasi hakimon təziğon çanədə ziyod bıdə be.

Həmonə çi ki bə muvcod bıə şərayeti zidd İmom Musa Kazım(ə)-i bə muxalifət karde vadar əki, bə mıslmonon hakim bıə fəsotinə siyasi və ictimaiyətiyə nizom be, jığonə vəziyyətədə İmom bə cəmaəti siyasi və ictimaiyətiyə oğoətion əlavəş karde iyən çı Bəni Əbbasi hakimon rəftor-siyosəton bənə anti islamiyə erjon elanış karde.

Əbasi xəlifəonku Harun-Əl-Rəşid ki pidəş nıbe cəmaət çı Həzrət Musa Kazı(ə)-i həddış nıbıə elm və fəzilətiku istifodə kon qıləy fitnəkarə planədə həzrəti zindonədə zəhrin kardeşe ki peşo hicri ğəməri 183-nə sor şiəyon 7-nə İmom, 55 sorəti sinədə bə şəhodət rəsə.

İron İslam Respublika Tolışi Rədio tərəfo İmom Musa Kazım(ə) şəhodəti sorəqardışi bə həmmə mıslmonon məxsusən tolışə həmzıvonon səbəsəloməti dodəmon.