Ruhani: dəvardə sorədə İroni milləti vey fəxrinə ğəhrəmanətion ofəyə bıə.

Tojə sori dəme mınosibəti İroni prezident votışe: dəvardə sor çı hadisə iyən ğəhremanti sor be ım yəni vey yolə hadisəon İroni tarixədə bə vıcud omə əmmo İroni millət həm vey fəxrinə ğəhremantionış xəlğ karde.

Həsən Ruhani ıştə noyə sori mesajədə bə Amerkə anti İron sanksiyaon işorə və təkidış karde: deşmən bə İroni zid vey şiddətinə sanksiyaonış təsdiğ karde ta əmni təslimku əmmo İroni milləti muğavimət co ğəhremantionış xəlğ karde və ısət İronədə kişvər və iğtisod i minə kərə be nat mudiriyət bıdə.

İroni prezident əlovəş karde: Amerkə pidəş be de İroni iğtisodədə bıhranon əmni məğlub bıkə əmmo bə statsikaon əsos İronədə iğtisadi reytinq çoke və inkişof dəvom kardedə.

Ruhani təkidış karde: əmə məğlub bimon, Amerkə təziğon vədə mandemon iyən beynəl xalğ məhkəmədə Amerkə məğlub kardımon və umum iştimaiyət ısət İroni bənə səbarzə tərəf zıneydə.

İroni prezident bə ım nuktə həm işorəş karde ki ımruj İroni stratejik maliyə xəzinəon və mənbəon vey çokə şərayetədəy.