Şiəyon 11 minnə imomi viladəti sorqardımoni mınosibətiku təbrik

Imruj şanbə rəbiussani 8 nə ruj bərobər de milady 2017 yanvari 7 həzrət imom Zəman(ə) bəşarətədə həzrət imom Həsən Əskəri(ə) milady sorqardımone.

İroni millət şiəyon 11 minnə imomi milad rujədə şəhron dərosteədə şini iyən şərbət baxş kardən və ım yolə ruji de şoə mərasimon dəvonedən.

həzrət imom Həsən Əskəri(ə) hicri ğəməri 232 nə sori rəbiussani 8 nə ruji Mədinə şəhrədə bə dınyo omə.ım əzizə imom şiəyon fikri bəyon kardeədə və diniyə şubhəon rəd kardeədə islam dini hifz iyən inkişaf doeədə zəhmətış kəşə və həzrət Məhdi(ə) imamət zəmanədə mıslmonon rəftori həxədə məlumat doeədə əvonış oxonə məsumə imomi ğəybət devraniyu hozzış karde.

şiəyon 11 minnə imom kərimə ğıroni nımonə mufəssir bə və ıştə imoməti devranədə ım osmoniyə kitobi səhihə təfsirış cəmaətiyu okardəşe və imom Zəman(ə) bəşarəti doeədə mıslmononış bə islami yolə hədəfon rəseyu ommidvarış kardə.

İron İslam Respublika telerədyo tərəfo bə həmmə dindaron ım əzizə ruji təbrik votdəmon