İronədə bə Koronavirusi mıbtəlo bıə kəsonku 74 həzo nəfər çok bin.

İroni səhiyyə vəzarətxonə bə İronədə 93 həzo nəfəri bə Koronavirusi mıbtəlo bey işorə və təkidış karde: detosə bə ısət 73791 nəfər İronədə Koronavirusi qəte bəpeştə çok bıən.

Bə həminə raporti əsos, dəvardə 24 saəti mıddətədə həm İronədə 1073 nəfər Koronavirusi qəteşone ki de təəssufi çəvonku 80 nəfər mardən.

De tərtibi ısət İronədə 93 həzo 657 nəfər Koronavirusi qəteşone ki çəvonku 5957 nəfər ıştə coni dastiku doeşone.

Əmmo İronədə de koronavirusi mubarizə barde sahədə muvəffəğiyət iyən elmi inkişof bois bıə ki çandə kişvəron çı İroni Koronavirusi noxəşti təyinəkə cihozi mıştəri bıbun.

Tojədən İroni unniverst tələbəonku cəmi və i dastə məktəbi vasitə beynəl xalğ təşkilatonku pidəşone ki Koronavirusi soxtə prossesədə çı Amerkə rol iyən siyasət rəftori barədə təhğiğ kon.

Diplomatik fəaliyəton çərçivədə həm zinə İroni prezident və Tırkmənestani prezident telefoni sohbətədə de Koronavirusi mubarizə bardə meydonədə bə kalektiv əloğə və həmkarion zərruriyati təkid kardışone.

Tırkmənestanədə İroni səfir həm bə Tehron-Aşiğabadi miyono təyeb və səhiyyə sahədə həmkarion hevuj bey təkidış karde.