İronədə Koronavirusiku oxonə xəbəon.

İroni səhiyyə vəzarətxonə elanış karde ki detosə bə ısət İronədə bə Koronavirusi mıbtəlo bıə kəsonku 75103 nəfər çok və noxəşxonəonku ozod bıdən.

Bə oxonə raporti əsos, dəvardə 24 saəti mıddətədə 983 nəfər tojə noxəş İronədə peydo bıən ki çəvonku de təəssufi 71 nəfər mardən.

De tərtibi todə ısət bə 95 həzo nəfər nezi İronədə Koronavirusi qəteşone ki təğribən çəvonku 6 həzo nəfər ıştə cuni dastiku doeşone.

Zinə İroni prezident de təkid bə Koronavirusi epidemiya vəziyət ki dınyoədə rəvoc bıə İronədə Koronavirusi vəziyəti mnosib bə hisobış varde və votışe: bə statsikaon əsos de Korona mubarizə barde meydonədə İron dınyo vey muvəffəğə kişvəron cəmədəy.

Əmmo de Koronavirusi mubarizə barde fəaliyəton dəvomədə noxəşon çı səlomətə cəmiyətiku co karde plani 2 minə mərhələdə həm 23 milyon nəfər İronıji vəziyət və səlomət kontrol be.

Əmmo diplomatik fəaliyəton dəvomədə həm İroni xarıci vəzir de Koba, Tırkmənestan və Pakistani xarıci vəziron telefoni votımon və rabitə cərəyonədə bə de Koronavirusi mubarizə sahədə kalektiv həmkari əloğəon təşkil bey zərruriyati təkidış ka.