76 həzo nəfəriku vey İronədə Koronavirusi noxəşon çok bin.

Bə İroni səhiyyə vəzarətxonə tojə elani əsos İronədə detosə bə ısət təğribən 95 həzo nəfər Koronavirusi qətəşone ki çəvonku 76318 nəfəri noxəşi çok və əvon ısət ıştə ailə kənoədən.

Dəvardə 24 saəti mıddətədə təğribən 1000 nəfər Koronavirusi qəteşone ki çəvonku 63 nəfər mardən.

Bə oxonə rapirti əsos ısət İronədə təğribən 6 həzo nəfər Koronavirusi nəticədə mardən.

Beynəl xalğ təşkilaton tərəfo elan bıə statsika həm təsdiğ kardedə ki Koronavirusi noxəşon çok bey baxşədə İron çı dınyo 2 minə kişvər hisob bıdə.

Bə ım raporti əsos İroni noxəşonku təğribən 80 faiz çok bıdən.

İroni səhiyyə sistem və təyeb kardron muvəffəğiyəton barədə xəbə ome ki dınyo 13 qılə kişvəronku mediya nımoyəndəon çı İron de Koronavirusi mubarizəon manitorinq karde iyən təcrubəku istifodə karde xot bə İron varid bıən.

Tojədən İroni həmmə silahinə ğıvvon mərkəzi ğərorqo rəis qeneral Bağıri həm elanış karde ki de Koronavirusi ubarizə barde sahədə İron ıştə təcrubəon bə məntəğə kişvəron ovıştoniyero hozzoe.