Ğasımi:terarizmiku Səudiyyə Ərəbıstonı tərəfdarəti məntəğəş no orom kardə.

İroni xarici koon vəzorətxonə sıxanəvot bə ironi zid Səudiyyə Ərəbıstonı mudafiyə vəzir iyən vəliəhdi canişini sıxanon reaksiyaş nışon do və votışe: Səudiyyə Ərəbıston təkfiri və terroristiyə qruponku tərəfdarəti kardeədə məntəğəş no orom kardə.

İroni xarici koon vəzorətxonə sıxanəvot Bəhram Ğasımi şanbə şəvi votışe:əcumlədə rol ifa kardə kəson ki dınyo sulh və oromətiyu bəpe ıştə rəftori əvəz bıkə Səudiyyə Ərəbıstone.

Ğasımi   şanbə şəvi votışe: əcumlədə rol ifa kardə kəsonku ki dınyo sulh iyən oromətiyu bəpe ıştə rəftori əvəz bıkə Səudiyyə Ərəbıstone.Ğasımi votışe: şək ni ke təkfiriyə terarizm vəhabiyyətı fikədə rişəş heste və əlavəş karde ki Səudiyyə Ərəbıston I tərəfədə bə Suriyə İrağ və Yəmənı milləton zid  cinayəton bois bedə və cotərəfədə de sionist rejim həmkarəti karde xoto bə mıslmonon məxsusən ərəbon dınyo iyən fələstinıjon hədəfon xəyonət kardə.

ironi xarici koon vəzorətxonə sıxanəvoti votışe: ğərbı kəşfiyyat təşkilaton mutəmadiyə məlumatonədə Səudiyyə Ərəbıstonı rəsmi orqanon və dınyo mıxtəlif vıronədə təkfiriyə radikalə qrupon miyonədə bıə əlağonku işarəşon kardə və jıqo bə nəzə rəsedə Səudiyyə Ərəbıstonı mudafiyə vəziri sıxanon jıqo məlumaton oşko be vədə curi pesoxtə bə hərəkəte ta ictimaiyyətdə bə fikon bə səhvə ro tərəf hidayət bıkə.

Ğasımı votışe:Səudiyyə Ərəbıstonı devləti rəsmi şəxson jıqo be nəticə ğalməğalon əvəz çok bəbe ki ıştə planon iyən rəftoron əvəz bıkən və bəştə təxribatinə siyasəton və əməlon nəticə fik bıkən.

Səudiyyə Ərəbıstonı mudafiyə vəzir iyən vəliəhdi canışin Muhəmməd Bin Səlman de Amerkə Faren Efrez  nomo bə nəşriyə mısohibədə iddaş kardə İron 3 qılə əsosə məsələ yəni be marzə idoloqiya no oroməti iyən terarizmı nımoyəndəy.