İron və Tırkiyə parlament əloğəon ijən dəvom peydo bəkarde.

İroni islamiyə şura məclisi rəis və Tırkiyə parlamenti yol bə 2 qılə kişvəri miyono əloğəon inkişofi təkid kardışone.

Muhəmməd Bağır Ğalibaf Tırkiyə məclesi rəis Mustəfa Şentopi telefoni təmasədə bə 2 qılə kişvəri miyono dustanə həmkarion işorə və təkidış karde: İroni islamiyə şura bənə dəvardə dıvrani bə Tehron-Ankara miyono həmkarion təkid kardedə.

Muhəmməd Bağır Ğalibaf bə İroni məclesədə İron və Tırkiyə dustiyəti qrupi təşkil bey təkidış karde və Suriyə bıhrani barədə bə Astanə siyasi prossesi çərçivədə İron, Rusiyə və Tırkiyə miyono votımonon zərruriyati işorəş karde.

Mustəfa Şentop həm ım votımonədə Ağaye Ğalibafi tojə məsuliyət iyən vırə təbrikış vote və işorəş karde ki parlament əloğəon çərçivədə siyasi, iğtisodi və mədəni həmkarion ijən dəvom peydo bekarde.

Zinə Livani parlamenti rəis Nəbiye Beri həm qıləy mesaji vasitə İroni parlamentədə tojədən Muhəmməd Bağır Ğalibafi bənə parlamenti rəis vıjniyə təbrikış vote.