Ğalibaf: Amerkə unilateralizim siyasəton, dınyo sulh və əmniyyəti təhdid kardedə.

İroni islami şura məclesi rəis votışe: dınyo kişvəron de Amerkə unilateralizim iyən milləti həx-huğuği vədə çəy bevəcə təsiron dim bə dim hestin.

Muhəmməd Bağır Ğalibaf zinə Tehronədə Çini səfiri vindemonədə bə kişvəron hakımiyət və istiğlalədə Amerkə mıdoxiləon işorəş karde və votışe: Amerkə ım siyasət dınyo sulh və əmniyyəti təhdid kardedə.

Əv bə Çin iyən İroni miyono tarixi həmkarion iyən əloğəon inkişofi zərfiyət iyən zərruriyati Amerkə be məxə siyasəton vəy qəte xoto təkidış karde.

Ğalibaf zinə de Fələstini səfir həm vindemonış karde və bəy votışe ki sionist rejim ıştə sistemi daxilədə vılo bey holədəy.

İroni islamiyə şura məclesi yol bə sionist rejimi dıvləti təşkil bey prossesədə cari problemon işorəş karde və votışe: Fələstin millətiku İroni himoyəon çəmə siyasəton oşko kardedə və nışo doydə ki İron bə Fələstini hədəf-orzo bəfodor mandedə.

Tojədən İroni xarıci vəzir Muhəmməd Cəvad Zərif həm video rabitədə de Çini xarıci vəzir vindemon və sohbətış karde və bəy votışe ki bəpe Amerkə yolə şəxətion vədə ciddi reaksiya və tədbiron bıbu; Zərif Çinədə Amerkə mıdoxiləon məhkumış karde.