İron və Suriyə miyono əmniyyəti-hərbi muğavilə imza be.

İroni həmmə silahinə ğıvvon ğərorqo rəis və Suriyə silahinə ğıvvon fərmondə caneşin iyən Suriyə mudafiə vəziri miyono hərbi, mudafiə və əmniyyəti həmmə tərəfinə komilə həmkari muğavilə imza be.

Bə İrib raporti əsos ım muzakirəon və sənədi imza bey bəpeştə İroni həmmə silahinə ğıvvon ğərrorqo rəis qeneral Muhəmməd Bağıri və Suriyə mudafiə vəzir iyən hərbi ğıvvon fərmondə caneşin Əli Əbdullah Əyob bə muxtəlif baxşonədə hərbi və əmniyyəti həmohənqion iyən təhdidon vədə texniki həmkari inkişofi təkid kardışone.

Qeneral Bağıri əlovəş karde: İron Suriyədə hərbi həvo mudafiəkə sitəmon zumandəti çərçivədə planon icra kardero hozzoe.

İjən təsdiğ be ki de Təkfiri və terroristi qrupon mubarizəon de şiddəti dəvom peydo bəkarde.

İron və Suriyə hərbi-əmniyyəti heyəton yolon həminə imza bıə muğaviləşon çand sor həmohənqi iyən hərbi-əmniyyəti əloğəon nəticə bə hisob vardən.

Əvon ijən həmmə xarıci ğıvvon Suriyə zəmini tərk karde pidəşone.

İroni həmmə silahinə ğıvvon ğərorqo rəis seşənbə bə Suriyə paytəxt Dəmeşğ varid be.