De Həzrət İmom Muhəmməd Bağır(ə) şəhodəti sorəqardışi mınosibəti təsliyət.

İslamiyə İron dınyo şiəyon 5 nə imom həzrət imom Muhəmməd Bağır(ə) şəhodətə şəvi sorəqardışədə ğəm və matəmədə be.

Imruj hicri ğəməri 1441 zilhəccə 7 milady 2020 iyoli 28 dınyo şiəyon 5 nə imom  həzrət imom Muhəmməd Bağır(ə) şəhodəti sorəqardışe.

şiəyon 5 nə imomi ləğəb Bağır ya Bağerululum yəni elmon okardə kəse.

Həzrət imom Muhəmməd Bağır(ə) 19 soro 10 manq ıştə əzizə dədə Həzrət imom Zeynulabedin(ə) şəhodəti bəpeştə imoməti yolə vəzifəş bə qi qəte.

imom Muhəmməd Bağır(ə) ıştə imaməti devranədə islamiyə mədəniyəti nəşr və təbliğ,şaqirdon təlim, əshab və cəmaəti rəhbərəti karde, ıştə əzizə cəd Həzrət Muhəmməd(s) rəsm iyən adəton icra kardeku və ğəsb əkə hukuməti yolon bə rəhbəri səhiyə xət dəvəd kardeyu I ləhzə həm ğəflətış nıkarde.

dınyo şiəyon 5 nə imom oxoysə hicri ğəməri 114 minnə sori zilhiccə 7 nə ruji 57 sorətiədə Mədinə şəhrədə əməvi xəlifə Heşam ibn Əbdulməkilı tərəfo bə şəhodət rəsedə.

İroni tolışi rədyo de Həzrət İmom Muhəmməd Bağır(ə) şəhodəti sorəqardışi mınosibəti  bə həmmə həmzıvonə tolışon səbəsəloməti dodə.