Pars Today

İroni xarıci vəzarətxonə səxanəvot votışe: dınyo mısılmonon hiç faxt bə şərifə Ğudsi varid bıə xəyonəti çı yodo benibəkan.

İroni xarıci vəzarətxonə tojə səxanəvot Səid Xətibzodə ıştə i minnə xəbə iclosədə əlovəş karde: əqər Asiya Ğərbədə sionist rejimi tərəfo bə məntəğə təhdidoni icod bıbu çəy məsuliyət Ibıə Ərəb Əmirətion qiədəy.

Xətibzodə təkidış karde, bə İroni mudafiə iyən əmniyət doktorini əsos Fars dıyoədə sionist rejimi işterak bənə təhdid ni, və co tərəf ım rejim bə İron zərbə varid kardero vey zəif iyən qədəy.

İroni xarıci vəzarətxonə bəzi ərəbə kişvəron de israil rejimi əloğəon normal kardey bəpeşt İroni movğiyət qətey barədə votışe: ım rejim subutış kardə ki ıştə əmniyəti oqəte nibəzne və çəy əks ıştən məntəğədə muğaviləon dareştedə, cinoyətonış kardə iyən terroristə rejime, ım məsələon bəpe virədə bıqətəmon.

Əv Ətom Enerji Təşkilati rəisi bə İron səfər kardey barədə həm votışe: tojə soronədə İron iyən ım təşkilati miyono həmkarionədə qədə ixtilofon bəkəno əmmo 2 tərəf həmmişə bə əloğəon inkişof və hevujəti fik kardən.

İroni xarıci vəzarətxonə təsdiğış karde: bə Ətom Enerji Təşkilati eterofi əsos əvon tule tarixədə vey hevujə nəzarəti-manitorinqi İroniku əncum doəşone və tosə bə zəmon ki ım təşkilat siyasi fişaron bəkəno və betərəf əməl ko texniki cəhəto həm 2 tərəfi həmkarion miyono poroblem icod nibəbe.

Xətibzodə reqional steratejik muzakiron xoto İraği xarıci vəzir Foad Huseyni hozzımandey barədə həm bə İroni xarıci siyosətonədə İraği rol və əhəmmiyəti işarəş karde və bə 2 qılə kişvəri miyono steratejik həmkarion sənədi hozzo bey işarəş karde.

Əv Liviya oxonə vəziyəti barədə həm siyasi muzakiron iyən bə dast omə təvafuği çokə hərəkət bə hisobış varde.