Ruhani: Sipiyə kə həmmə anti İron planon məğlub bıə.

İroni prezident votışe: İroni milləti təslim kardeyro Sipiyə kə həmmə anti İron planon bənə yolə stratejik xəto məğlub bıə.

Hənən Ruhani əlovəş karde: İronədə loyihə-planon bə istismor rosniye əv həm zəmoni ki anti İron vey şiddətinə sanksiaon dəvom kardedə çı İroni millət-dıvləti muğavimət iyən həmdıləti nımonəy.

Ruhani təsdiğış karde: İroni millət hiç faxt Amerkə vədə təslim nibəbe və dışmenon karde nibəznın İroni inkişofi vədə mane bıbun.

İroni prezident bə Əmniyət Şuraədə Maşə yaxot Snəp Bək nomo mexanizmi barədə Amerkə məğlubiyəti işarəş karde və votışe: ım məğlubiyət Amerkə tarixədə stajış nıbe və ım məğlubiyət de İroni milləti muğaviməti vositə bə dast omə.

Əv bə İronədə Koronavirusi pandemiya şərayeti işarəş və təkidış karde: de Amerkə anti İron sanksiyaon vucudi İroni millət de səhiyyəvi protokolon rioyəti çok Covid-19 vədə muğavimət kardeşone.