İğtisodi əloğəon inkişofiro İron iyən Azərbaycan Respublika diplomatok cəhdon.

Zinə Bokuədə İroni səfir de Azərbaycan Respublika i minnə vəziri muavin ki 2 qılə kişvəri iğtisodi mıştərək kamissiya Azəriyə rəis həm hıste vindemon iyən muxtəlif məsələon barədə sohbət kardışe.

Bə İrna raporti əsos, Seyd Əbbas Musəvi iyən Şahin Mustəfayev həminə vindemonədə iğtisod iyən ticorət baxşədə 2 tərəfi həmkarion, məştərək loyehə-planon iyən nakonə imza bıə muğaviləon barədə sohbət kardışone.

İroni səfir de Azərbaycan Respublika i minnə vəziri muavin ım vindemonədə bə 2 qılə kişvəri miyono bıə həmkarion zəminə iyən bə hamsoyəti əsos bıə mıştərəkə prinsipon təkid kardışone.

Davardə haftə həm İron iyən Azərbaycan Respublika miyono ticarət baxşədə bıə tarifon peqətey ya xot kam kardey barədə muzakiron onlayn iyən virtoal bərpo bıə be.

Həminə muzakirəonədə İroni ticarət inkşof təşkilat, itisod vəzarətxonə və co vıjniyə bıə rəsmi şəxson işterak kardışone, çandə təklif bıə ğərolon barədə həm təvafuğ be.