Zərif: çəmə əzizə Azərbaycani barədə hiç kəs sohbət karde həxış ni.

İroni xarıci vəzir bə Tırkiyə prezidenti Bokuədə bəyon bıə sohbəton reaksiya nışoş do və votışe: hiç kəs çəmə əzizə Azərbaycani barədə sohbət karde həxış ni.

Bə İrna raporti əsos, Rəcəb Təyyeb Ərdoğani sohbəton barədə Muhəmməd Cəvad Zərif ıştə Tuvitter mesajədə ğeydış karde: bə Ərdoğan votə nıbin ki Bokuədə çəy handə şer Ərəsi ru şimol məntəğəon ıştə inə sərzəmin İroniku co bıə dışmonə plani barədə be?

Zərif ım mesajədə sovalış karde ki aya Ərdoğan oğo nıbe ki bə Azərbaycan Respublika hakimiyyəti zidd sıxan voteydə?

Tırkiyə prezidenti Rəcəb Təyyeb Ərdoğan zinə Bokuədə bıə hərbi parad mərasimədə ki Ğərəboği tojə dıvrə canqədə Azərbaycan Respublika səbarzətion xoto bərpo be İlham Əliyevi tono Ərəsi ru barədə qıləy separatçiyə şerış hande.