İroni ərtış avyasiya ğıvvon tojə ğabiliyyəton.

İroni ərtış avyasiya ğıvvon rəisi muavin ım təşkilati tojə hərbi manevrədə Kərrar nomo tojə istehsol bıə droni de muvəffəğiyəti imtivon kardeyku xəbəş do.

Qeneral Əlirıza İlhomi çı Ərtış ğıvvon tojə dəvoniyə bıə hərbi manevri nəticəon barədə bə Telerədio doə mısohibədə votışe: həvoədə təğib əməliyot, dəğiğə zıne iyən bə muxtəlif siloh-rəketon təchiz bey əcumlə Kərror nomo tojə istehsol bıə bepilotə təyyorə ğabilyətonin.

İroni ərtış avyasiya ğıvvon rəisi muavin əlovəş karde: İroni ərtış ğıvvon tojə hərbi manevrədə bumi bepilotə təyyorəon tojə ğabilyətoni imtivon iyən əməliyoti bıə ki çəvonku bəznımon bə 2 həzo kilometriku vey məsofəku dəvarde işarəkom.

Dronon dəğiğə əməliyaton iyən hədəfi tam məh karde həmçenin zıne əməliyatonədə mıosir kəmeraonku istifodə karde əcumlə ərtışi tojə hərbi manevrədə bə dast omə coqılə nəticə iyən muvəffəğiyətonku be.

İroni ərtış ğıvvon tərəfo icra bıə dron ıminnə hərbi təlimon de 100 qılə be pilotə təyyorəon ışteraki pəynə ruji İroni mərkəzədə bino bıə ki ımruj bə oxo bərəse.