İroni Yolə Rəhbəri huzurədə Həzrəte Zəhra(s) şəhodəti şame ğəriban mərosim.

Bə Həzrəte Zəhra(s) şəhodəti sorəqrdışi xoto Yolə Rəhbəri bərnoməonku şame ğəriban əzodorəti şəvi mərosim zinə şəv İmom Xomeyni(r) Huseyniyə vırədə bərpo be.

Bə İrib raporti əsos, həminə mərosimədə natiğ hucətul-islam Rəfii ıştə sohbətonədə, bə Xanım Həzrəte Fatimə Zəhra(s) barzə mənəvi xusyəton işarəş karde kənoədə votışe: həxi vədə odəmon bə 4 dastə təğsim bıdən, həxi ğəbuləkəyon, de həx canq kardə kəson, həxiku fəror kardə kəson iyən tovcih əkəyon.

hucətul-islam Rəfii  əlovəş karde: İslami Əzizə Pəyğumbər(s) şəhodəti bəpeşt Həzrəte Xanım Zəhro(s) qiədə bıə yolə vəzifə-məsuliyət ım be ki viloyəti bə cəmaət elan ko iyən ım həxi inkor kardə kəson vədə bımando, anədə ki ıştə conış həminə royədə fidoş karde.

Peşo zakir hucətul islam vəl muslemin Şəhitat həm Xanım Həzrəte Fatimə Zəhra(s) mısibəti barədə rovzə iyən nohəş hande.

Bə Həzrəte Zəhra(s) şəhodəti sorəqrdışi xoto Yolə Rəhbəri beytədə bərnoməon hasor de Əhli-Beyti(ə) aşiğon əzəmətinə işteraki bərpo əbi əmo ımsor Koronavirus bois bıə ki bə səhiyyəvi porotokolon rioyət karde xoto İmom Xomeyni(r) Huseyniyədə əzo mərosim be cəmiyət bərpo bıbu.

Yolə Rəhbəri huzurədə Xanım Fatimə-Zəhro(s) Imsornə sori matəmə mərosimon dəvardə haftə 5 şanbə rujiku bino bıə.

Zinə Yanvari 17 Yəni Cımadiu-Sani manqi 3 İslam dini peyğumbəri qiromiyə kinə iyən şiəyon i minnə imom Həzrəte Əli(ə)-i bozorqvarə həyot həmro Xanım Həzrəte Fatimə Zəhra(s) şəhodəti sorəqardış be.