80 nəfər İronıj Koronavirusiku mardən.

Dəvardə 24 saəti mıddətədə de təəsufi 80 nəfər Koronavirusi mıbtəlo bıə noxəşon İronədə ıştə coni dastiku doəşone ki qırd ısət ım pandemiya nəticədə mardə kəson miğdor bə 58336 nəfər rəsə.

İroni səhiyyə vəzarətxonə elanış karde: tojədən 7061 nəfər bə Koronavirusi mıbtəlo bıə kəs İronədə peydo bin ki çəvonku 675 nəfər hələ noxəşxonəonədən.

İronədə tosə bə ısət 1452387 nəfər Koronavirusi qətəşone ki de xoşbəxtiyəti noxəşon miqdoriku 1241320 nəfəri hal-əhvol çok be və əvon noxəşxonəonku mırəxəs və ozod bıən.

Əmmo İronədə anti Korona vaksini barədə oxonə ıme ki İroni prezident Həsən Ruhani İronədə Korona peyvəndi istifodə karde və umumi vaksinasiyoni bino beyku xəbəş do.

Dınyoədə Korona qəte kəson miğdor 105 milyon nəfər iyən mardə kəson ədəd həm 2 milyono 300 həzo nəfəriku vey bıə.

Amerkə de 27 milyon mıbtəlo və 466 həzo nəfər mardə kəs statestikaon cəhəto həmçenan çı Koronavirusi pandemiya behronədə dınyo kişvəron sədrədəy.