İnğilabi yolə rəhbəri:İroni bə atom vədəon oqarde şərt ıme ki Amerkə bəpe əmələdə sanksiyaon ləğv bıkə.

İslami inğilabi yolə rəhbəri votışe: İron bəvədə bəştə atom sazışi doə vədəon obəqardə ki Amerkə həmmə sanksiyaon ,əmələdə və ne koğəzi piyədə ləğv bıkə.

İslami inğilabi yolə rəhbəri votışe: İron bəvədə bəştə atom sazışi doə vədəon obəqardə ki Amerkə həmmə sanksiyaon ,əmələdə və ne koğəzi piyədə ləğv bıkə.

Həmmə ğıvvon əzəmətinə fərmondə Həzrət ayətullah Xamenei ımruj  həvo silahinə ğıvvon fərmondəon qıləy cəmi  vindımonədə hicri şəmsi 1357 nə sori bəhmənə manqi 19 minnə ruji həvoiyə silahinə ğıvvon kardon de mərhum imom Xomeyni beyət kardeş  qıləy muhimmə hərəkət və inğilabi səbarzəti əsosə dəlilonku qıleni iyən  Amerkəvıjon hisob kitobonədə bə səhvi ro doeku zınəşe və votışe: inğilabi surətinə hərəkəton dəvom pəydo karde  lozim bə çion meydonədə cəmaəti huzur, daimiyə ko və fəaliyyət,vəhdət xususi məsul şəxson miyonədə, bə ilahiyə vədəon etımon iyən milliyə ğıvvə əmələdə zumand kardeye.

İslami inğilabi yolə rəhbəri eyne holədə Amerkə dəvardə rujon rısvoçiyə məsəlonış iyən Trampı suğutış  Amerkə ictimaiyət və siyasiyə sahədə şəvon ğıvvə beji eqıneş zınə və bə Avropa iyən Amerkə məsul şəxson sıxanon atom sazış iyən sanksiyaon həxədə işarəş karde və votışe:Amerkəvıjon və Avropavıjon heç qılə şərt noy həxışon ni çun ki atom sazışi təəhodonışon ıştən bə lınqi ji noəşone və ə tərəf ki bəpe şərt bınə islamiyə respublikay çun ki bəştə doə vədəon əməlış kardə.

Həzrət ayətullah Xamenei əlavəş karde :İron bəvədə bə atomi vədəon obəqardəy ki Amerkə həmmə sanksiyaon əmələdə və ne qəp iyən koğəzi dimədə ləğv bıkəyo və ım sanksiyaon ləğv karde İroni rostiyəti imtıvon karde ğəror bıqəto.ım ,islamiyə Respublika ğəti və əvəz nıbə siyasəte və həmmə məsul şəxson tərəfo həm təsdiğ bə və heç kəs çəyku bə domo ənışt ni.

Yolə rəhbəri  İroni vədə bə Amerkə hisob kitobon bə səhvi ro doeku işarəş karde və  İroni millətiku çəvon səhihə məlumaton nıbeku işarəş karde və əlavəş karde çı səhvə hisob kitobonku qıleni 88 nə sori fitnəqərə hərəkətdə be ki Amerkə demokratə prezdent dı fiki ki qoya ko orəxə de rəsmiyyəti fitnəku himoyəş karde.

İslami inğilabi yolə rəhbəri təcrubə nıbə sanksiyaonış İroni məğlub karde məğsədi  Amerkə səhvə hison kitobu coqlə nımonəş zınə və votışe:  çə von 1 minnə dərəcədə bıə axməxonku qıleni 2 sor çimi bə nav votəş be ki 2019 minnə sori idi Tehronədə  de şoəti dəbəvonemon.

Isət həmonə şəxs bə tarixi zibilə ğab eqıniyəy və çəy rəis həm de ləğə və rısvoçiyə şərayet Sıpiyə kəku  ixrac bə əmmo İron İslam Respublika de Xıdo lutf səbarz mandəy.

Həzrət ayətullah nXamenei eyne holədə  bə Amerkə vobəstə mandə məmləkəton xususi sionist rejimi daspoçə be  iyən çəvon cəfənqiyat voteç beynəlxalğ iyən daxiliyə cəhətonədə Amerkə zəif beku iborəte.