Bə Tolışə şayiri ehtırom noey

Kişfəri etnik və dini qrupon mığəddəs və səçın kardə bıə şayiron iminə milli şeyr festivalədə çe Rizvanşəhr şəhri məşhurə şayironku bıə cənob Mıştəbo Muradi bənə Tolışi şeyr iyən poeziya həmməysə çokə şayiri təğdım kardey be və bə ın məğami loyığ vindey be.

Tehroni Ozodi Ğullə iştimoyi salon və zalədə mığəddəson milli şeyr festival bərpo bıə.In festival de Nəciməsənət Mərkəzi və İslomi Təbliğot Təşkiloti himoyə iyən dastəqi çe kişfəri mıxtəlifə əyolətonku de İronıjə məzhəbon və etnik qruponku vıjniyə bıə şayiron iştiroki dəvordınə bıə.