De Həzrəte İmom Muhəmməd Bağır(ə) milad ruji sorəqardışi mınosibəti təbrik.

Imruj, Hicri Ğəməri 1442-nə sori Rəcəb bərəkətinə manqi 1, Hicri Şəmsi 1399-nə sori Bəhmən manği 25 iyən Miladi 2021-nə sori Fevrali 13-nə ruje; Bə təğvimi əsos ımruje dınyo şiəyon 5-nə İmom, Həzrəte İmom Muhəmməd Baqır(ə)-i moəku bıə ruji sorğardışe.

Dınyo şiəyon 5-nə İmom, Həzrəte İmom Muhəmməd Baqır(ə) Hicri Ğəməri 57-nə sori Rəcəb bərəkətinə manqi 1-nə ruji Mədinədə moəku bıə.

Həzrəte İmom Muhəmməd Baqır(ə)-i məğam iyən vırə anədə cəmaəti dılədə ziyod be ki har vırədə Haşımiyon, Ələviyon iyən Fatimiyon aliyə əzəməti barədə ğəp jey faxti ə Həzrətışon ım Xandanədə bıə həmmə ğəhrəmanəti, şucaət, əzəmət iyən pokətion yeğanə irs bardə şəxsiyət zıneydə bin.

Dınyo şiəyon 5-nə İmomi moəku bıə əyyami həmzəman zinə şəviku İroni bəzi vırəonədə bıə məçidon, Huseyniyəon iyən məzhəbi vırəonədə məxsus mərasimon de səhiyəvi porotokolon rioyəti bino bıə ijən ımruj həm veyni sosyal şəbəkəonədə dəvom kardedə.

İron Tolışi Rədio tərəfo ım mınosibəti bəşımə təbrik ərz kardıdəmon.