İroni kəşfiyyat vəzir bə sionist rejimi işğalqər be işarəş karde.

İron İslam Respublika kəşfiyyat vəziri votışe:həmmişə bəpe bə sionist rejimi işğalqər be işarə bıbo.

Bə telerədyo aqentəti xəbon əsosi İroni kəşfiyyat vəzir seyd Məhmud Ələvi zinə tehronədə Ğəzzə muğaviməti simvol nomo bıə iclosi 7 nə devrədə əlavəş karde Fələstin qıləy be millətə sərzəmin bə ni və kəsoni ki dınyo mıxtəlif vıronku bə ım məntəğə omən be sərzəmin bə nin əmmo fələstinı ğəsb kardəkəson əyo vırəşon kardə.

ironi kəşfiyyat vəziri votışe:İnqiltərə hədəf fələstinədə sioniston vırə doeku istimari no təmizə plan yəni islam dınyo 2 poə kardeyoy və sionist rejimi  bərpo karde həm ğeyre ğanoniyə roədə əncum bedə.

seyd Məhmud Ələvi həmçinin ım iclosi kənoədə jurnaliston cəmədə Ğəzzə məntəğə iyən Fələstinı milləti siyasi və ixtisadiyə problemon barədə votışe:İron İslam Respublika hukumət həmmişə Ğəzzə və Fələstinı məzlumə millətiku tərəfdarətiş kardə və ım strateqiya desbə kamilə səbarzəti və ıştə sərzəmini hakimiyyəti bəştə dast qəte zəmani dəvom bədoy.

ironi kəşfiyyat vəzir terroristiyə qrupon vədə kəşfiyyat vəzorətxonədə əmniyyətiyə zumandətion həxədə işarəş karde və votışe:əmə terroristonımon çı daxil və çı  sərhəddon xaricədə və mıxtəlif şərayetonədə diğğət mərkəzədə ğərorımon doə və çəvon terroristiyə hərəkətonku bə nav əmniyyətiyə ğıvvon fuladinə daston terroristiyə əməlon məculış çəvon dastiku səşe.

Ğəzzə muğavimət simvoli nomo bıə iclosi 7 nə devlə  Həmas və islamiyə cihad fələstinıjə hərəkaton nımoyəndon iyən islamiyə məmləkəton səfiron və ironi keşvəri və ləşkəriyə şəxsiyyəton huzurədə zinə tehronədə bərpo be.