İron və Nəxçivonı muxtar Respublika sərhəddiyə həmkoətion inkişaf doe roon muzakirə bin.

Nəxçivonədə bıə İron İslam Respublika sərkonsol və Nəxçivonı muxtar Respublika sərhəddiyə ğıvvon fərmondə, sərhəddiyə həmkoətion inkişaf doe roon iyən 2 tərəfi istihsalon tranzit karde həxədə muzakirəşon dəvoni.

Nəxçivonədə bıə İron İslam Respublika sərkonsol və Nəxçivonı muxtar Respublika sərhəddiyə ğıvvon fərmondə, sərhəddiyə həmkoətion inkişaf doe roon iyən 2 tərəfi istihsalon tranzit karde həxədə muzakirəşon dəvoni.

Bə İRNA zinə xəbon əsosi Nəxçivonədə bıə İron İslam Respublika sərkonsol sed Əbbas Huseyni,Nəxçivonı muxtar Respublikaədə sərhəddiyə ğıvvon fərmondə de Niyaməddin Təğiyev vindımonədə bə çokə hamsuəti xususi istihsalon tranzitiyə həmkoətionku işarə kardeədə votışe: İron İslam Respublika Azərbaycan Respublika sərhəddon bərpo beku şoy və ım məsələ, həmkoətion inkişaf doeədə təsirin be bəzne.

Nəxçivonı sərhəddiyə ğıvvon fərmondə həm,Azərbaycan Respublika ərazi təmamiyəti hifz kardeyu İron İslam Respublika siyasətonku təşəkkurış karde , və ım hərəkətış İroni diğğətiku bə dustiyəti və bıvəti, çokə hamsuyəti və bə beynəlxalğə ğanonon diğğət və ehtırom noeku iborətış zınə.

Niyaməddin Təğiyev, Poldəşt və Colfa qumrokonədə de İroni sərhəddiyə ğıvvon bə çokə həmkoətion işarə kardeədə votışe: tranzitiyə nəğliyat  və lozim bə vaxtədə şəhrvandon şe-ome karde təşkil bedə və həminə cəhətdə navədə nezə rujonədə 2 tərəfi mıştərəkə iclos bərpo bəbe.