Azərbaycan Respublika və İroni rəsmi şəxson vindımonışon dəvoniyə.

Azərbaycan Respublika məclisi rəis Bokuədə, İroni islamiyə şura məclisi milli əmniyyət və xariciyə siyasəton kamisiya rəisi vindımonədə bə har cəhətinə həmkoətion inkişaf doe 2 qılə məmləkəti faydon təmin karde cəhətdə işarəş karde.

Azərbaycan Respublika məclisi rəis Bokuədə, İroni islamiyə şura məclisi milli əmniyyət və xariciyə siyasəton kamisiya rəisi vindımonədə bə har cəhətinə həmkoətion inkişaf doe 2 qılə məmləkəti faydon təmin karde cəhətdə işarəş karde.

Bə İRNA xəbon əsosi Sahibə Ğəfarova Azərbaycan Respublika və İroni prezdenton 2 tərəfə səfəron və imza bə sənədonış 2 tərəfi rabiton inkişafədə muhimmiş zınə və votışe: siyasiyə votımonon domo qəte bə 2 qılə məmləkəti ixtisadi,mədəni və inson dustə həmkoətion mısbətə təsirış heste.

Azərbaycan Respublika milli məclisi rəis bəştə məmləkəti de İron İslam Respublika parlamentiyə rabitə  zərurəti işarəş karde.

Ğəfarova eyne holədə Ğərəbaği  munağişədə Azərbaycan Respublika ərazi təmamiyətiku İroni himoyə karde xoto təşəkkurış karde.

İroni islamiyə şura məclisədə milli əmniyyət və xariciyə siyasəton kamisiya rəis Muctəba Zunnur ım vindımonədə votışe:İron İslam Respublika mıxtəlif baxşonədə de Azərbaycan Respublika rabitə inkişaf doe niyyətdəy.

Zunnur, Azərbaycan Respublika ozod bə sərzəminonədə minaon təmiz kardeyu iyən ovonə bıkə planon və diniyə vıron xərobion soxteyu İroni hozzı mandeku xəbəş do.

İroni İslamiyə şura məclisi heyət ki 3 şanbə ruji bə Boku daxil bə be ,de Azərbaycan Respublika xarici koon vəzir və əmniyyəti, mudafiə və de fəsot mubarizə bardeyu bıə kamisiya uzvon iyən Nəxçivonı rəsmi şəxson vindımonış dəvoniyə.