Ğəribabadi:təşkil bə muğaviləsə bəpe atom təşkilati şe-ome karde ğət bə.

Viyanaədə Beynəl-Xəlğə təşkilaton İroni daimə numayəndə zinə şanqo elanış karde bə ğanuni əsos stratejikə hərəkəton sanqsiyaon ləğv kardeyo və İroni milləti huğuğiku mıdofiyə kardeyo İrondə Beynəl-Xəlğə atom enerji təşkilati izofə bıə nəzorəton dəvardə nimə şəviku ğət bə.

Viyanaədə Beynəl-Xəlğə təşkilaton İroni daimə numayəndə zinə şanqo elanış karde bə ğanuni əsos stratejikə hərəkəton sanqsiyaon ləğv kardeyo və İroni milləti huğuğiku mıdofiyə kardeyo İrondə Beynəl-Xəlğə atom enerji təşkilati izofə bıə nəzorəton dəvardə nimə şəviku ğət bə.

Bə İrna xəbəon əsos Kazem Ğəribabadi de jurnaliston təşkil doə mısuhibədə elanış karde 2 şanbə saat 24ku təşkil bə ğanununku bəpeə doə vədəon nomo bə çimon ni və lozim bə əmron bə atom təsisaton doə bə.

İron miladi 2018 minə sori mayə manqi 8 nə rujiku ğeyre ğanuni sorətədə Amekə itərəfə və ğeyre ğanuniyə sorətədə atom sazeşiku xaric be bəpeştə cəhdış karde atom sazeşi dı şərti ki, çı sazeşi co qılə tərəfon bəy əməl bıkən hifz bıkə əmo Avropəvıjon ım sazeşi hifz kardeyo vədə doə bə əməliyə hərəktonədə heç qıləy muvəfəğiyətışon kəsb nıkarde.

Jığo qıləy şərayetədə İron İslam Respublikə milli əmniyəti ali şurə 2019 minə suri mayə manqi 8 nə ruji Amerkə atom sazeşiku xaric be surəqardışədə elanış karde İron ıştə atominə doə vədəon bə 26 və 36 nə baxşon əsos qəm bə qəm kam bəkay ta doə vədəon və ıştə huğuği miyono balans təşkil bıkə.

İron İslam Respublikə ğəsdış heste ımrujnə rujiku fevrali 23 minə rujiku atom sazeşədə dıştə meyl və rizo əncom doə hərəkəton bə ğanuni əsos sanqsiyaon ləğv kardeyo və İroni milləti huğuğiku mıdofiyə kardeyo stratejik əməlon vəy bıqəto.

İroni İslami Şurə məclis dekabrə manqi 1 minə ruji ım ğanuni bə imza rusneədə dıvlətış vəzifə do karde ki, Amerkə sanqsiyaon dəvom pəydo karde sorətədə de Beynəl-Xəlğə atom enerji təçkilati həmkoətion məhdod bıkə və bə atom sazeşi əsos ıştə doə vədəon kam kardeyo veyə ğədəmon peqəto.

Bə ım ğanuni 6 nə madə əsos İron islam Respublikə dıvlət vəzifədo bə atom sazeşi 36 və 37 nə baxşon əsos çı ğanuni bə imza rəseku 2 manq dəvarde bəpeştə bə atom sazeşi əsos izofə bə prutokuli sə bəpeə nəzorəton və şe ome karde ğət bıkən.

Ğəribabadi dəvardə 2şanbə ruji elanış karde ki, bə atom sazeşi əsos İroni tərəfo de xoşə dıli təşkilbə hərəkəton icra vəy qəteyo məktob bə Beynəl-Xəlğ atom enerji təşkilati mudiri təhvil doə bə. İron həğış heste ıştə doə vədəon icra həmə qılə ya çəy qılə baxşi ğət bıkə.