De Həzrət Zeynəb(s) vəfot karde sorəqardışi mınosibəti təsliyət.

İslamiyə İron həzrət Zeynəb(s) vəfot kardə şəvi sorəqardışədə, ğəm, norohəti və siyo bə tan bı.

İslamiyə İron həzrət Zeynəb(s) vəfot kardə şəvi sorəqardışədə, ğəm, norohəti və siyo bə tan bı.

Imruj şanbə hicri ğəməri 1442 nə sori rəcəbə manqi 15 bərobər de miladi 2021 minnə sori fevrali 27 islami əzizə peyməmbər(s) qiramiyə nəvə iyən həzrət Fatimə(s) və dınyo şiəyon 1 minnə imom Həzrət Əli(ə) avlod Həzrət Zeynəb(s) vəfot karde sorəqardışe.

Həzrət zeynəb(s) ıştə əzizə bıvə dınyo şiəyon 3 minnə imom Həzrət imom Huseyn(ə) kənoədə bə domo mandə cəriyan iyən xətoə roədə bə kəsonədə mubarizəş barde, həmonə cəriyan ki islamiku mudafiə karde nomo kərbəlo yolə faciəşon icod karde.

Həzrət ıştə əzizə bıvə imom Huseyn(ə) və çəy vəfodorə əshabi şəhodəti bəpeştə, əhle beyt(ə) ailə coqlə uzvonədə bə əsorət bardə bedən. əmmo həminə əsorətdə dıştə hərarətin və məntiğiyə xutbəonədə bənioməyyə bejiyə səviyədə bə şəxsiyyət iyən fəsoti oşko kardə.

İmom Huseyn(ə) xuninə ğiyam, de Həzrət Zeynəb(s) ifşabıkə hərəkəton Kofə və Şamədə bə Yəzidı fəsotinə hukuməti zid, İmom Huseyn(ə) ğiyami  hədəfon və fəlsəfəş əbədi karde.

Həzrət Zeynəb(ə) hicri ğəməri 63 nə sori vəfotış karde.

İron İslam Respublika telerədyo de Həzrət Zeynəb(s) vəfot karde sorəqardışi mınosibəti bə həmmə mıslmonon xususi bə şiəyon təsliyət votedə.