Məbəs idə rujiədə İroni Yolə Rəhbəri sıxanon.

İroni Yolə Rəhbər Məbəs idə rujiədə namə canqədə dışmenon 2 qələ hədəfi səbr cərəyani darşiye iyən həğiğəton bərəks nışo doe bəyonış karde.

İroni Yolə Rəhbər həminə nıtğədə təkidış karde: səbri cərəyani vəy qəte qıləy xətərnokə ko bə hisob omeydə ki cıvonon bənə namə canqi əsqəron bəpe ım siyasəti vəy bıqəton.

Həzrət Ayətullah Xamenei təkidış karde: İroni İnğilob de bozorqvarə İmom Xomeyni(rə) şucaət və təşəbbusi çı Həzrəte Muhəmmədi beesət cərəyoni bəjiş karde çən de dışmenon daimi həmləon və xəbisə hərəkəton dim bə dim bıdə, ki həminə royədə muğavimət iyən serate mustəğimədə hərəkət karde dışmenon məğlub bəkay.

Həzrət Ayətullah Xamenei həminə dışmonə hərəkəton barədə votışe: ımruj həm islomi nizom ki mıstəkbiron tərəfo bənə siyasi islomi zıney bıdə həmmə tərəfinə həmlə və xəbisə planon vədəy boçi ki muvəffəğ bıə ki bo ilahi hakımiyəti bə vırə rosniyero huluməti təşkil bıdə iyən bə İroni yolə əzizə milləti dini iyən islami şəxsiyəti bıdə.

İroni Yolə Rəhbər bə ım nuktə işarəş karde ki islami inğilob de Peyğombər(s)ku olqo peqəte zalimon vədə mande iyən de məzlumon bə ico be əlovəş karde: de islami nizomi səbarzəti həmonə şərayet ki bo peyğombər(s) icod bıə be təşkil be iyən dınyo mıstəkbiron və şərrə ğıvvon İroni vədə mandin.

Həzrət Ayətullah Xamenei bə istikbori cəhbə təhrif iyən duəvujəti işarəş karde və votışe: əvon ıştə təbliğonədə du vote bıdə bin ki İron de dınyo canq kardedə və hol ım ki İron bı Kərimə ğıroni əsos, fəğət həmonə kəson vədə canq bəkarde ki de İroni milləti dışmon bıbun, mandə milləton de İroni millətə dustanə əloğəşone.

İroni Yolə Rəhbər həğiğəti bərəks nışo doe namə canqədə çı dışmenon coqılə şivə bə hisobış varde və həminə baxşədə bə nımonəon işarə karde xoto əlovəş karde: Yəməni məzlumə millət 6 sor bəbe ki de Amerkə havzə çeraği Səudiyə bombardımon iyən iğtisodi, xorək iyən dəvo-damon muhasirə jintonədən və ğərbi iddioəkə dıvləton iyən beynəlxalğ təşkilatonku eteroz sədo rost bıdə ni.

Əmmo ısət ki Yəməni estedodinə millət de muxtəlif əbzaron siloh soxtən və bə dışmeni həmləon reaksiya nışo doe holədən, eteroz iyən məzəmmət sıxanon hətto i bıə milləton təşkilati tərəfo rost bıdə.

Həzrət Ayətullah Xamenei Amerkə dıvləti tərəfo ım siyosəti icra bey barədə iyən həğiğəti bərəks nışo doe nımonəon aşmardeyku bə ətom bombaon yolə ambo xıvand bey, 220 həzo nəfəri de ətom bombaon ğətliam karde, Ərəbistoniku himoyədorəti karde və hol ım ki ali səud de ərə ıştə muxalifon tikə tikə kardə, bənə Daeş terroristə qrupi icod və çəyku muxtəlif himoyəon ta əvon suriyə nati bıdızdon ışarəş karde ki ijən bois bə ni sənibəton ətom bombaon məhv karde, bəşər həxonku himoyədorəti karde və de trorizm mubarizə bardey barədə Amerkə ıştə iddio bıə şuaronvanq kardeyku dast bıkəşi.

Həzrət Ayətullah Xamenei bə İroni reqional ğudrət və işterakiku Amerkə əsəboniyəti işarəş karde və votışe: İron məntəğə har vırədə əcumlə İrağ ya Suriyədə varid bıə çın kişvəron ğanuni dıvlətonku himoyədorəti kardero be ki de ğanuni dıvləton tələb əncom bıə, əv həm hərbi məşvərət surəti, və hol ım ki Amerkə zalimanə bə İrağ və Suriyə varid bıə və əyo boştə hərbi bazaonış dutə.

İroni Yolə Rəhbər təkiış karde: həlbətə Amerkə hukmən bəpe rə İrağiku xaric bıbu boçi ki ım çı İraği ğanune və Suriyəku həm bəpe rə xaric bıbu.