İronədə bıə Koranavirusiku oxonə xəbon.

İroni səhiyyə vəzarətxonə muavin votışe: dəvardə 24 saəti mıddətədə de təəsufi 185 nəfər Koronavirusi mıbtəlo bıə noxəşon İronədə ıştə coni dastiku doəşone.

Bə İrib raporti əsos Simasadat Lari votışe: ısət ım pandemiya nəticədə İronədə mardə kəson miğdor bə 63884 nəfər rəsə.

Xanım Lari həmçenin elanış karde ki tojədən 22586 nəfər bə Koronavirusi mıbtəlo bıə kəs İronədə peydo bin.

İronədə tosə bə ısət 2006934 nəfər Koronavirusi qətəşone ki de xoşbəxtiyəti noxəşon miqdoriku 1684570 nəfəri hal-əhvol çok be və əvon noxəşxonəonku mırəxəs və ozod bıən.

İronədə tosə bə ısət təğribən 14 milyon nəfər çı Korona testi doəşone.

Bə oxonə statestikaon əsos, tosə bə ısət dınyoədə 133 milyon nəfər Covid-19 virusi qətəşone ki çəvonku 3 milyono nəfəriku vey ıştə coni dastiku doəşone