Zərif:sioniston pidəşone sanksiyaon peqəteyu İroni muvəfəğiyyəton intiğami bıstənon.

İroni xarici koon vəziri votışe: sioniston pidəşone, İroni, zılminə sanksiyaon ləğv kardeyu bə dast vardə muvəfəğiyyəton intiğami bıstənon əmmo islamiyə Respublika jıqo ko karde icazə ədə ni.

İroni xarici koon vəziri votışe: sioniston pidəşone, İroni, zılminə sanksiyaon ləğv kardeyu bə dast vardə muvəfəğiyyəton intiğami bıstənon əmmo islamiyə Respublika jıqo ko karde icazə ədə ni.

Bə İRNA xəbon əsosi Muhəmməd Cəvad Zərif ımruj İroni İslamiyə şura məclisi milli əmniyyət və xariciyə siyasəton kamisiya iclosədə,  Nətənzı zinə hadisəku işarəş karde və  ım muhimmə şərayetədə bə atominə təsisaton və alimon muhafizə karde zərurəti işarəş karde.

Zərif votışe: sioniston rejimi siyasi və hərbiyə rəsmi şəxson oşkoə sorətədə votəşon be ki zılminə sanksiyaon peqəteyu bə İroni inkişafon icazə ədə nimon və ısət fik kardən bəştə hədəf rəsən və əlavəş karde sioniston,İroni zumandə atom inkişafonədə ıştə cəvobi bəstən.